VLC Media பிளேயர்

பதிவுகள் எழுதி நீண்ட நாட்களாகிவிட்டது. படிக்க ஆரம்பித்தால் அனைத்தையும் பின்னுக்கு தள்ளிவிடும் சக்தி படிப்பிற்கு உள்ளது என்பது உண்மைதான். தேர்வு நெருங்கியதால் படிப்பிற்கு முன்னுரிமை கொடுத்து பதிவுகளை எழுத நேரமில்லாமல் போய்விட்டது.

வீடியோ பைல்களை அனைவரும் ஏதோ ஒரு சந்தர்ப்பத்தில் பார்க்க வேண்டி உள்ளது. படம் பார்த்தல், குழந்தை பருவத்தில் எடுத்த வீடியோக்கள் மற்றும் பல வீடியோ பைல்களை பார்க்க வேண்டி உள்ளது. இதுபோன்ற வீடியோ பைல்களை பார்ப்பதற்கு அதிகமானோர் பயன்படுத்துவது விண்டோஸ் மீடியா பிளேயர் தான். காரணம் இது விண்டோஸ் உடன் இணைந்து கிடைப்பதே. இன்றைய நவீன தொழில்நுட்பத்தின் காரணமாக பல ஃபார்மட் வீடியோ பைல்கள் வந்துவிட்டன. நிறைய ப்ளேயர்கள் வந்துவிட்டன. அதில் சில ஃபார்மட் பைல்களை சில ப்ளேயர்களில் பார்க்க முடியாது. உதாரணமாக விண்டோஸ் மீடியா ப்ளேயரில் 3GP, DVD பைல்களை பார்க்க முடியாது. அதற்காக அதற்குரிய Codec பைல்களை Download செய்ய வேண்டும். இந்த பிரச்சனையை குறைக்கும் விதத்தில் உள்ளதுதான் VLC Media Player. இதில் 24 formatகளில் உள்ள பைல்களை பார்க்க முடியும்.

பல்வேறு பார்மட்களில் உள்ள வீடியோ பைல்களை பார்ப்பவர்களுக்கு இது ஒரு வரப்பிரசாதம் என்றே சொல்லலாம்.

Download செய்ய கீழே உள்ள லிங்க்கை கிளிக் செய்யவும்.

Download – VLC Media Player

VLC Media Player பற்றி தெரிந்து கொள்ள இங்கே கிளிக் செய்யவும்.

தினம் ஒரு வெப்சைட்

அனைத்து விதமான புத்தகப் பிரியர்களுக்கு ஏற்ற இ-புத்தகங்கள் இலவசமாக டவுன்லோட் செய்திட கிளிக் செய்ய வேண்டிய முகவரி Allfree.fermanaziz

இணைய சட்டங்கள்

தகவல் தொழில்நுட்ப மசோதா இந்திய நாடாளுமன்றத்தின் இரு அவைகளிலும் மே 2000ல் நிறைவேறியது. ஆகஸ்டு 2000ல் இந்த மசோதா ஜனாதிபதியின் ஒப்புதல் பெற்று தகவல் தொழில்நுட்ப சட்டம், 2000 ஆக சட்ட வடிவம் பெற்றது. தகவல் தொழில்நுட்ப சட்டம், 2000ல் இணைய சட்டங்கள் உள்ளன.

தரவு திருட்டு

தகவல் தொழில்நுட்ப சட்டத்தின் சிறப்பு ஷரத்துகளில் சில: ஆபாச உள்ளடக்கம் மற்றும் படங்களை பிரசுரம் செய்வது தண்டனைக்குரிய குற்றம் ஆபாச உள்ளடக்கம் குறித்த வரையறை ஆபாச உள்ளடக்கங்களை சிறுவர்களுக்கு விற்பது சட்டவிரோதம்

ஆபாச உள்ளடக்கம் மற்றும் படங்களை பிரசுரம் செய்வது தண்டனைக்குரிய குற்றம்
இந்திய தகவல் தொழில்நுட்ப சட்டம் 2000, பிரிவு XI பத்தி 67ன் படி, இந்திய அரசு இணைய வழி ஆபாச உள்ளடக்கம் மற்றும் படங்களை விற்பது தண்டனைக்குரிய குற்றம் என்று தெளிவாக கருதுகிறது. இந்த பத்தி இவ்வாறு குறிப்பிடுகிறது:

"எலெக்ட்ரானிக் வடிவத்தில் ஆபாசமாக தோற்றமளிக்கும் தகவல்களை பிரசுரம் செய்வது: இணையப் பக்கத்தில் உள்ள தகவல்களைப் பார்ப்போர் அல்லது படிப்போர் அல்லது கேட்போர் யாருடைய மனதிலும் காம உணர்வினைத் தூண்டி அவர்களை தவறான பாதைக்கு தூண்டும் சக்தி வாய்ந்த ஆபாசமான உள்ளடக்கங்களை வெளியிடுவோர், பரப்புவோர் அல்லது எலெக்ட்ரானிக் வடிவத்தில் வெளியாக காரணமாக இருப்போர் யாராக இருப்பினும், அவர்கள் முதன் முறை குற்றம் உறுதி செய்யப்பட்டவராய் இருந்தால் 5 ஆண்டு காலம் வரை சிறை தண்டனை மற்றும் ஒரு லட்சம் ரூபாய் வரையான அபராதத்திற்கு தகுதி உடையவராகவும், இரண்டாம் முறை அல்லது அதற்கு மேற்பட்ட முறையாக குற்றம் உறுதி செய்யப்பட்டவராக இருந்தால் 10 ஆண்டு காலம் வரை சிறை தண்டனை மற்றும் 2 லட்சம் ரூபாய் வரையான அபராதத்திற்கு தகுதி உடையவராகவும் ஆகிறார்".

ஆபாச உள்ளடக்கத்திற்கான வரையறை இந்திய குற்றவியல் சட்டம் 1860, செக்‌ஷன் 292 கூறுகிறது: "துணை பிரிவு (2)க்காக, இணையப் பக்கத்தில் உள்ள தகவல்களைப் பார்ப்போர் அல்லது படிப்போர் அல்லது கேட்போர் யாருடைய மனதிலும் காம உணர்வினைத் தூண்டி அவர்களை தவறான பாதைக்கு தூண்டும் சக்தி வாய்ந்த எந்த ஒரு புத்தகம், துண்டுப் பிரசுரம், பேப்பர், கையால் எழுதியது, வரைபடம், ஓவியம் சித்திரம் அல்லது வேறு எந்த ஒரு பொருளும் ஆபாசமாக கருதப்படும்". ஆபாச உள்ளடக்கங்களை சிறுவர்களுக்கு விற்பது சட்டவிரோதம் இந்திய குற்றவியல் சட்டம் 1860, செக்‌ஷன் 293 ஆபாசமான பொருட்களை சிறுவர்களுக்கு விற்பதற்கு எதிரான சட்டத்தை தெளிவாக குறிப்பிடுகிறது. இந்த பிரிவில் கூறப்படுவதாவது: "ஐபிசி 292ல் (வரையறை கொடுக்கப்பட்டுள்ளது) குறிப்பிடப்பட்டுள்ள எந்த ஒரு ஆபாச உள்ளடக்கங்களையும் 20 வயதுக்கு குறைந்த எந்த ஒரு சிறுவருக்கும் விற்பதோ, வாடகைக்கு தருவதோ, விநியோகம் செய்வதோ, பார்வையிட காண்பிப்பதோ அல்லது பிற வழிகளில் அனுப்புவதோ அல்லது இது போன்ற செயல்களை செய்வதாக கூறி ஆர்வத்தை தூண்டிவிடுவதோ தண்டனைக்குரியதாகும். (முதன் முறையாக குற்றம் உறுதி செய்யப்பட்டவருக்கு 3 வருடம் வரையிலான சிறைத்தண்டனை மற்றும் 2 ஆயிரம் ரூபாய் வரையிலான அபராதம், இரண்டாவது அல்லது அதற்கு மேற்பட்ட முறையாக குற்றம் உறுதி செய்யப்படுபவருக்கு 7 ஆண்டுகள் வரையிலான சிறைத் தண்டனை மற்றும் 5 ஆயிரம் ரூபாய் வரையிலான அபராதம்)". Thanks to : http://securefirst.in